വാഷിംഗ്ടൺ: 2026ലെ ഗ്രൂപ്പ് ഓഫ് 20 (ജി20) ഉച്ചകോടി മിയാമിക്കടുത്തുള്ള തന്റെ ട്രംപ് നാഷണൽ ഡോറൽ മിയാമി ഗോൾഫ് ക്ലബ്ബിൽ വെച്ച് നടത്തുമെന്ന് യുഎസ് പ്രസിഡന്റ് ഡോണൾഡ് ട്രംപ് പ്രഖ്യാപിച്ചു. “ഡോറൽ ആണ് ഏറ്റവും മികച്ച സ്ഥലം,” ഉയർന്ന തലത്തിലുള്ള അന്താരാഷ്ട്ര പരിപാടിക്ക് തന്റെ സ്വന്തം സ്ഥലം തിരഞ്ഞെടുത്തുകൊണ്ട് ഓവൽ ഓഫീസിലെ ഒരു പരിപാടിയിൽ ട്രംപ് മാധ്യമപ്രവർത്തകരോട് പറഞ്ഞു.

19 രാജ്യങ്ങളും യൂറോപ്യൻ യൂണിയനും ആഫ്രിക്കൻ യൂണിയനും അടങ്ങുന്ന ജി20 ഉച്ചകോടി അംഗരാജ്യങ്ങൾക്കിടയിൽ ആതിഥേയത്വം വഹിക്കുന്നതിന് ഊഴമിടാറുണ്ട്. എങ്കിലും, 2026ലെ ഉച്ചകോടിയുടെ ഔദ്യോഗിക തീയതി ഇതുവരെ പ്രഖ്യാപിച്ചിട്ടില്ല. ഈ പരിപാടി ഹോട്ടൽ, റെസ്റ്റോറന്റ് വരുമാനത്തിലൂടെ ക്ലബ്ബിന് ദശലക്ഷക്കണക്കിന് ഡോളർ നേടിത്തരുമെന്നാണ് പ്രതീക്ഷിക്കുന്നത്. വൈറ്റ് ഹൗസ് ഉദ്യോഗസ്ഥൻ പറയുന്നതനുസരിച്ച്, നൽകുന്ന സേവനങ്ങൾക്ക് ഡോറൽ “ചെലവ് മാത്രം” ഈടാക്കുമെന്നും വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.

ട്രംപിന്റെ ബിസിനസ്സ് ആസ്തികൾ ഒരു മൂന്നാം കക്ഷി നിയന്ത്രിക്കുന്നതിനാൽ താൽപ്പര്യ വൈരുദ്ധ്യം ഉണ്ടാകുന്നില്ലെന്ന് വൈറ്റ് ഹൗസ് പറയുന്നു. എന്നാൽ, മിയാമിയിലെ മാർ-എ-ലാഗോ, ന്യൂ ജേഴ്സി, വാഷിംഗ്ടൺ, സ്കോട്ട്ലാൻഡ് എന്നിവിടങ്ങളിലെ ഗോൾഫ് റിസോർട്ടുകൾ ഉൾപ്പെടെ, ആഭ്യന്തരമായും വിദേശത്തുമുള്ള തന്റെ സ്ഥാപനങ്ങളിൽ വിദേശ നേതാക്കളെയും കോർപ്പറേറ്റ് എക്സിക്യൂട്ടീവുമാരെയും സ്വീകരിച്ചതിന് മുൻപ് ട്രംപ് വിമർശനം നേരിട്ടിട്ടുണ്ട്