ഇഡി റിപ്പോര്ട്ടിനെക്കുറിച്ചുള്ള ചോദ്യം: മാധ്യമപ്രവര്ത്തകരോട് ക്ഷുഭിതനായി പിണറായി
9, September, 2026
Updated on 9, September, 2026 8
 |
ആലപ്പുഴ: പ്രതിപക്ഷനേതാവ് പിണറായി വിജയനെതിരേ കേസെടുക്കണമെന്ന എന്ഫോഴ്മെന്റ് ഡയറക്ടറേറ്റിന്റെ കത്തിനെക്കുറിച്ചുള്ള ചോദ്യത്തില് മാധ്യമപ്രവര്ത്തകരോട് ക്ഷുഭിതനായി പിണറായി വിജയന്.ചോദ്യം ചോദിച്ച മാധ്യമപ്രവര്ത്തകരോട് കയര്ത്ത പിണറായി പുറത്ത് നില്ക്കടോ അങ്ങോട്ട്, നിങ്ങളെന്താ ബാത്ത് റൂമിലേക്ക് വരികയാണോയെന്നും ചോദിച്ചു. ചെങ്ങന്നൂര് ഗസ്റ്റ് ഹൗസില് വച്ചായിരുന്നു സംഭവം. പിണറായി വിജയനും മുന്മന്ത്രിമന്ത്രിയും മരുമകനുമായി മുഹമ്മദ് റിയാസിനും മകള് ടി വീണയ്ക്കുമെതിരെ അഴിമതി നിരോധന നിയമപ്രകാരം കേസ് എടുക്കണമെന്നാണ് ഇഡിയുടെ ആവശ്യം. സിഎംആര്എല് എക്സാലോജിക് ഇടപാടില് മുഖ്യമന്ത്രിയായിരിക്കെ പിണറായി വിജയന് മകള് വഴി 3.28 കോടി കൈക്കൂലി വാങ്ങിയെന്നാണ് ഇഡിയുടെ കണ്ടെത്തല്. വീണയുടെ ഭര്ത്താവായ മുന്മന്ത്രി പിഎ മുഹമ്മദ് റിയാസ് എംഎല്എ കൈക്കൂലി വാങ്ങാനും ഇത് വീണയും സുഹൃത്തുക്കളും വഴി ദുബൈയിലേക്ക് കടത്താനും നേതൃത്വം നല്കിയെന്ന ഗുരുതര ആരോപണവും കത്തിലുണ്ട്. സ്ഥാപനങ്ങള് ഉള്പ്പടെ 12 പേരുടെ പട്ടികയാണ് കത്തിലുള്ളത്.
സിഎംആര്എല് – എക്സാലോജിക് ഇടപാടില് അഴിമതി നിരോധന നിയമപ്രകാരം പ്രതിപക്ഷ നേതാവ് പിണറായി വിജയനെതിരെ കേസ് എടുക്കണമെന്ന ഇഡിയുടെ കത്തില് നിയമപരമായ പരിശോധനകള് നടത്തിയശേഷം തീരുമാനമെടുക്കുമെന്ന് മുഖ്യമന്ത്രി വിഡി സതീശന് പറഞ്ഞു. വിഷയത്തില് തീരുമാനമെടുത്തിട്ടില്ല. തെളിവുകള് വ്യക്തമായി പരിശോധിച്ച് നിയമപരമായ വഴിയിലൂടെ മാത്രമേ മുന്നോട്ടുപോകൂ എന്നും അദ്ദേഹം കൂട്ടിച്ചേര്ത്തു.