അഫ്ഗാൻ വനിതാ മാധ്യമപ്രവർത്തകയോട് കഴുത്തറുക്കുമെന്ന രീതിയിൽ ആംഗ്യം കാണിക്കുകയും വസ്ത്രധാരണത്തെ പരിഹസിക്കുകയും ചെയ്ത പാകിസ്ഥാൻ പ്രതിരോധമന്ത്രി ഖവാജ ആസിഫിന്റെ നടപടി അന്താരാഷ്ട്ര തലത്തിൽ വലിയ പ്രതിഷേധത്തിനും വിവാദത്തിനും വഴിവെക്കുന്നു. ന്യൂയോർക്കിൽ നടക്കുന്ന യുഎൻ പൊതുസഭയുടെ 81-ാം സെഷനിടെയാണ് ലോകത്തിന് മുന്നിൽ പാകിസ്ഥാനെ നാണംകെടുത്തിയ സംഭവം അരങ്ങേറിയത്. താലിബാനുമായുള്ള പാകിസ്ഥാന്റെ ബന്ധത്തെക്കുറിച്ചും അഫ്ഗാൻ സ്ത്രീകളോടുള്ള താലിബാന്റെ ക്രൂരമായ നയങ്ങളെക്കുറിച്ചും ചോദ്യമുന്നയിച്ച മാധ്യമപ്രവർത്തകയോടാണ് പ്രതിരോധമന്ത്രി ഭീഷണിയുടെ സ്വരത്തിൽ സംസാരിച്ചത്.