2, November, 2026
Updated on 2, November, 2026 30
തിരുവനന്തപുരം: സംസ്ഥാനത്തെ ഐ.എ.എസ് തലപ്പത്ത് വ്യാപക അഴിച്ചുപണിയുമായി സർക്കാർ. അടിയന്തരമായി ചേർന്ന മന്ത്രിസഭാ യോഗത്തിന്റേതാണ് തീരുമാനം. കെ.എസ്.ഇ.ബി ചെയർമാൻ സ്ഥാനത്തുനിന്ന് എം.ജി. രാജമാണിക്യത്തെ മാറ്റിയതാണ് ഏറ്റവും ശ്രദ്ധേയമായ മാറ്റം. എൻ. പ്രശാന്ത് ആണ് പുതിയ കെ.എസ്.ഇ.ബി ചെയർമാനായി ചുമതലയേൽക്കുന്നത്.സംസ്ഥാനത്തിന്റെ ആഭ്യന്തര സെക്രട്ടറിയായി ഐ.എ.എസ് ഉദ്യോഗസ്ഥൻ കെ.ആർ. ജ്യോതിലാലിനെ നിയമിച്ചു. ആരോഗ്യ വകുപ്പ് സെക്രട്ടറിയായിരുന്ന മിൻഹാജ് ആലത്തെ ധനകാര്യ വകുപ്പിലേക്ക് മാറ്റി നിയമിച്ചിട്ടുണ്ട്. നിലവിലെ സാഹചര്യത്തിൽ ഏറെ പ്രാധാന്യമുള്ള ധനകാര്യ, ആഭ്യന്തര വകുപ്പുകളിലാണ് പ്രധാന അഴിച്ചുപണി നടന്നിരിക്കുന്നത്.ആരോഗ്യ വകുപ്പ് സെക്രട്ടറി സ്ഥാനത്തുനിന്നും ഷർമിള മേരി ജോസഫിനെയും മാറ്റിയിട്ടുണ്ട്. ഇവർക്ക് ഗതാഗത വകുപ്പിന്റെ പൂർണ്ണ ചുമതലയാണ് നൽകിയിരിക്കുന്നത്. പകരം മുഹമ്മദ് അനീഷ് പുതിയ ആരോഗ്യ വകുപ്പ് സെക്രട്ടറിയായി ബാധ്യതയേൽക്കും. എം. ബീനയെ വ്യവസായ വകുപ്പ് സെക്രട്ടറിയായും സർക്കാർ നിയമിച്ചു.