ജറുസലം : ഗാസയിലെ സഹായ വിതരണത്തിൽ നിന്ന് ഐക്യരാഷ്ട്ര സഭയെ ഒഴിവാക്കി ഇസ്രയേലിൻ്റെ പുതിയ നീക്കം ഇസ്രയേൽ സ്വന്തം നിലയ്ക്കുള്ള സഹായ വിതരണം ആരംഭിച്ചു.

..അമേരിക്കൻ പിന്തുണയുള്ള സന്നദ്ധസംഘടന ഗാസ ഹ്യൂമാനിറ്റേറിയൻ ഫൗണ്ടേഷനാണ് (ജിഎച്ച്എഫ്) ചുമതല. ഭക്ഷ്യധാന്യങ്ങൾ വിതരണം ചെയ്യുന്ന സ്ഥലത്തേക്ക് പലസ്തീൻകാരാണ് ഇന്നലെ നിയന്ത്രണങ്ങൾ മാറ്റിയത്. 8000 ഭക്ഷ്യ കിറ്റുകൾ വിതരണം ചെയ്തതായി സംഘടന അറിയിച്ചു.

ഭക്ഷ്യവസ്‌തുക്കളിലേറെയും ഹമാസ് കൈക്കലാക്കുന്നതു തടയാനാണ് പുതിയ വിതരണസംവിധാനമെന്നാണ് ഇസ്രയേലിൻറെ വാദം. എന്നാൽ, ആരോപണം നിഷേധിച്ച യുഎൻ, ഭക്ഷണവും ഇസ്രയേൽ ആയുധമാക്കുകയാണെന്ന് വിമർശിച്ചു.ഗാസയിലെ ഇസ്രയേൽ കൂട്ടക്കുരുതിക്ക് ഇന്നലെയും അറുതി ഉണ്ടായില്ല.

ഇന്നലെ ഇസ്രായേൽ നടത്തിയ ആക്രമണങ്ങളിൽ 52 പലസ്തീൻകാർ കൊല്ലപ്പെട്ടു. ഗാസയിൽ ജീവൻ നഷ്ടമായ ആകെ പലസ്തീൻകാരുടെ എണ്ണം 54,056 ആയി.