ഭാരതത്തെ 2047-ഓടെ വികസിത രാജ്യമാക്കി മാറ്റുമെന്നും ഭാവിയിൽ ഇന്ത്യ ഒളിംപിക്‌സ് കായികമാമാങ്കത്തിന് ആതിഥേയത്വം വഹിക്കുമെന്നും പ്രധാനമന്ത്രി നരേന്ദ്ര മോദി. ഗുജറാത്ത് മുഖ്യമന്ത്രിയായും തുടർന്ന് രാജ്യത്തിന്റെ പ്രധാനമന്ത്രിയായും അധികാരത്തിൽ 25 വർഷം പൂർത്തിയാക്കുന്നതിന്റെ ഭാഗമായി സംഘടിപ്പിച്ച ‘വികസിത് ഭാരത് സങ്കൽപ് സഭ’യിൽ സംസാരിക്കുകയായിരുന്നു അദ്ദേഹം. തുടർച്ചയായി കാൽനൂറ്റാണ്ട് ഭരണരംഗത്ത് തുടരാൻ സാധിക്കുമെന്ന് സ്വപ്നത്തിൽ പോലും വിചാരിച്ചിരുന്നില്ലെന്ന് പറഞ്ഞ അദ്ദേഹം, ഈ അപൂർവ്വ അവസരം നൽകിയ രാജ്യത്തെ ജനങ്ങൾക്ക് നന്ദി രേഖപ്പെടുത്തി.