കാനഡയിൽ 2018-നും 2025-നും ഇടയിൽ നടന്ന അക്രമാസക്തമായ ആക്രമണങ്ങളിൽ 17 ഇന്ത്യൻ വിദ്യാർത്ഥികൾ കൊല്ലപ്പെട്ടതായി കേന്ദ്ര സർക്കാർ പാർലമെൻ്റിനെ അറിയിച്ചു.എഐഎംഐഎം എംപി അസദുദ്ദീൻ ഒവൈസിയുടെ ചോദ്യത്തിന് മറുപടിയായി വിദേശകാര്യ സഹമന്ത്രി കിർത്തി വർധൻ സിംഗ് ലോകസഭയിൽ സമർപ്പിച്ച രേഖാമൂലമുള്ള മറുപടിയിലാണ് ഈ ഞെട്ടിക്കുന്ന കണക്കുകൾ പുറത്തുവിട്ടത്. പരിശോധനാ കാലയളവിൽ വിദേശ രാജ്യങ്ങളിൽ ഇത്തരം മരണങ്ങൾ ഏറ്റവും കൂടുതൽ റിപ്പോർട്ട് ചെയ്തത് കാനഡയിലാണെന്നും അദ്ദേഹം വ്യക്തമാക്കി.വിവിധ രാജ്യങ്ങളിലെ കണക്കുകൾ പരിശോധിച്ചാൽ കാനഡയിൽ 17 പേരും, അമേരിക്കയിൽ ഒൻപതും, ഓസ്‌ട്രേലിയയിൽ മൂന്നും വിദ്യാർത്ഥികൾ അക്രമങ്ങളിൽ കൊല്ലപ്പെട്ടു.യുണൈറ്റഡ് കിംഗ്ഡം, ചൈന, ഡെൻമാർക്ക്, ജർമ്മനി, ഗ്രനേഡ എന്നിവിടങ്ങളിൽ ഓരോ മരണങ്ങൾ വീതവും കിർഗിസ്ഥാനിൽ രണ്ട് മരണങ്ങളും റിപ്പോർട്ട് ചെയ്തിട്ടുണ്ട്. വിദേശത്ത് ഇന്ത്യൻ വിദ്യാർത്ഥികൾക്കെതിരായ അക്രമങ്ങൾ വർദ്ധിച്ചുവരുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ എന്നും സമയബന്ധിതമായ അന്വേഷണം നടക്കുന്നുണ്ടോ എന്നും വിദേശത്തുള്ള ഇന്ത്യൻ വിദ്യാർത്ഥികളുടെ സുരക്ഷയ്ക്ക് സർക്കാർ ഉയർന്ന മുൻഗണനയാണ് നൽകുന്നതെന്ന് മന്ത്രി പറഞ്ഞു. അനിഷ്ട സംഭവങ്ങൾ റിപ്പോർട്ട് ചെയ്താൽ ഉടൻ തന്നെ ഇന്ത്യൻ മിഷനുകൾ പ്രാദേശിക അധികൃതരുമായി ബന്ധപ്പെട്ട് കുറ്റവാളികളെ ശിക്ഷിക്കുന്നുണ്ടെന്ന് ഉറപ്പുവരുത്തുന്നുണ്ട്.

വിദ്യാർത്ഥികൾക്ക് ആവശ്യമായ മുൻകരുതലുകൾ നൽകുന്നതിനായി ഓറിയന്റേഷൻ സെഷനുകളും അഡ്വൈസറികളും നൽകിവരുന്നു. വിദ്യാർത്ഥികൾ എംഇഎയുടെ (MEA) മദദ് (MADAD) പോർട്ടലിലും ഇന്ത്യൻ എംബസികളിലും രജിസ്റ്റർ ചെയ്യണമെന്നും അടിയന്തര സഹായത്തിന് വാട്സാപ്പ് ഗ്രൂപ്പുകളും ഹെൽപ്പ് ലൈനുകളും ഉപയോഗിക്കണമെന്നും മന്ത്രി നിർദ്ദേശിച്ചു.ഒവൈസി ചോദിച്ചു.മറ്റൊരു ചോദ്യത്തിന് മറുപടിയായി, വിസ ചട്ടങ്ങൾ ലംഘിച്ചതിനും വ്യാജ അഡ്മിഷൻ രേഖകൾ നൽകിയതിനും നിരവധി ഇന്ത്യൻ വിദ്യാർത്ഥികൾ നാടുകടത്തൽ ഭീഷണി നേരിടുന്നുണ്ടെന്ന് സർക്കാർ സമ്മതിച്ചു.2021-നും 2025-നും ഇടയിൽ യുകെ (170), ഓസ്‌ട്രേലിയ (114), റഷ്യ (82), യുഎസ് (45), ഉക്രെയ്ൻ (13) എന്നിവിടങ്ങളിൽ നിന്ന് ഇന്ത്യൻ വിദ്യാർത്ഥികളെ നാടുകടത്തി. ഇതേ കാലയളവിൽ അമേരിക്ക 62 ഇന്ത്യൻ വിദ്യാർത്ഥികൾക്കും കിർഗിസ്ഥാൻ 11 പേർക്കും പ്രവേശനം നിഷേധിച്ചതായും മന്ത്രി സഭയെ അറിയിച്ചു.